శ్రీ భవానీ అష్టకం - భవానీ భుజంగ ప్రయాత స్తోత్రం

 గంగ, భవానీ, గాయత్రీ, కాళీ, లక్ష్మీ, సరస్వతీ, రాజరాజేశ్వరీ, బాలా, శ్యామల, లలిత దశ అను దేవీ దశ స్తోత్రం ఆధారంగా నేడు స్తుతించ వలసిన స్తోత్రాలు...

శ్రీ భవానీ అష్టకం 

న తాతో న మాతా న బంధుర్న దాతా

న పుత్రో న పుత్రీ న భృత్యో న భర్తా

న జాయా న విద్యా న వృత్తిర్మమైవ 

గతిస్త్వం గతిస్త్వం త్వమేకా భవాని

భవాబ్ధావ పారే మహాదుఃఖ భీరు

పపాత ప్రకామీ ప్రలోభీ ప్రమత్తః

కుసంసార పాశ ప్రబద్ధః సదాహం

గతిస్త్వం గతిస్త్వం త్వమేకా భవాని

న జానామి దానం న చ ధ్యానయోగం

న జానామి తంత్రం న చ స్తోత్రమంత్రమ్

న జానామి పూజాం న చ న్యాసయోగం

గతిస్త్వం గతిస్త్వం త్వమేకా భవాని

న జానామి పుణ్యం న జానామి తీర్థం

న జానామి ముక్తిం లయం వా కదాచిత్

న జానామి భక్తిం వ్రతం వాపి మాతా

గతిస్త్వం గతిస్త్వం త్వమేకా భవాని

కుకర్మీ కుసంగీ కుబుద్ధిః కుదాసః

కులాచారహీనః కదాచారలీనః

కుదృష్టిః కువాక్యప్రబంధః సదాహం

గతిస్త్వం గతిస్త్వం త్వమేకా భవాని

ప్రజేశం రమేశం మహేశం సురేశం

దినేశం నిశీథేశ్వరం వా కదాచిత్

న జానామి చాన్యత్ సదాహం శరణ్యే

గతిస్త్వం గతిస్త్వం త్వమేకా భవాని

వివాదే విషాదే ప్రమాదే ప్రవాసే

జలే చానలే పర్వతే శత్రుమధ్యే

అరణ్యే శరణ్యే సదా మాం ప్రపాహి

గతిస్త్వం గతిస్త్వం త్వమేకా భవాని

అనాథో దరిద్రో జరారోగయుక్తో

మహాక్షీణదీనః సదా జాడ్యవక్త్రః

విపత్తౌ ప్రవిష్టః ప్రనష్టః సదాహం

గతిస్త్వం గతిస్త్వం త్వమేకా భవాని

 భవానీభుజంగప్రయాతస్తోత్రం 

శ్రీ గణేశాయ నమః .

షడాధారపంకేరుహాంతర్విరాజత్

        సుషుమ్నాంతరాలేఽతితేజోల్లసంతీం .

సుధామండలం ద్రావయంతీం పిబంతీం

        సుధామూర్తిమీడేఽహమానందరూపాం .. 1..

జ్వలత్కోటిబాలార్కభాసారుణాంగీం

        సులావణ్యశృంగారశోభాభిరామాం .

మహాపద్మకింజల్కమధ్యే విరాజత్

        త్రికోణోల్లసంతీం భజే శ్రీభవానీం ..2..

కణత్కింకిణీనూపురోద్భాసిరత్న

        ప్రభాలీఢలాక్షార్ద్రపాదారవిందం .

అజేశాచ్యుతాద్యైః సురైః సేవ్యమానం

        మహాదేవి మన్మూర్ధ్ని తే భావయామి .. 3..

సుషోణాంబరాబద్ధనీవీవిరాజన్

        మహారత్నకాంచీకలాపం నితంబం .

స్ఫురద్దక్షిణావర్తనాభిం చ తిస్రో

        వలీ రమ్యతే రోమరాజిం భజేఽహం .. 4..

లసద్వృత్తముత్తుంగమాణిక్యకుంభో-

        పమశ్రీస్తనద్వంద్వమంబాంబుజాక్షీం .

భజే పూర్ణదుగ్ధాభిరామం తవేదం

        మహాహారదీప్తం సదా ప్రస్నుతాస్యం .. 5..

శిరీషప్రసూనోల్లసద్బాహుదండైర్-

        జ్వలద్బాణకోదండపాశాంకుశైశ్చ .

చలత్కంకణోదారకేయూరభూషా

        జ్వలద్భిః స్ఫురంతీం భజే శ్రీభవానీం .. 6..

శరత్పూర్ణచంద్రప్రభాపూర్ణబింబా

        ధరస్మేరవక్త్రారవిందశ్రియం తే .

సురత్నావలీహారతాటంకశోభా

        భజే సుప్రసన్నామహం శ్రీభవానీం .. 7..

సునాసాపుటం పద్మపత్రాయతాక్షం

        యజంతః శ్రియం దానదక్షం కటాక్షం .

లలాటోల్లసద్గంధకస్తూరిభూషో-

        జ్జ్వలద్భిః స్ఫురంతీం భజే శ్రీభవానీం .. 8..

చలత్కుండలాం తే భ్రమద్భృంగవృందాం

        ఘనస్నిగ్ధధమ్మిల్లభూషోజ్జ్వలంతీం .

స్ఫురన్మౌలిమాణిక్యమధ్యేందురేఖా

        విలాసోల్లసద్దివ్యమూర్ధానమీడే .. 9..

స్ఫురత్వంబ బింబస్య మే హృత్సరోజే

        సదా వాఙ్మయం సర్వతేజోమయం చ .

ఇతి శ్రీభవానీస్వరూపం తదేవం

        ప్రపంచాత్పరం చాతిసూక్ష్మం ప్రసన్నం .. 10..

గణేశాణిమాద్యాఖిలైః శక్తివృందైః

        స్ఫురచ్ఛ్రీమహాచక్రరాజోల్లసంతీం .

పరాం రాజరాజేశ్వరీం త్వా భవానీం (త్రైపురి త్వాం)

        శివాంకోపరిస్థాె॒​ం శివాె॒​ం భావయేఽహం .. 11..

త్వమర్కస్త్వమగ్నిస్త్వమిందుస్త్వమాప-

        స్త్వమాకాశభూర్వాయవస్త్వం చిదాత్మా .

త్వదన్యో న కశ్చిత్ప్రకాశోఽస్తి సర్వం

        సదానందసంవిత్స్వరూపం తవేదం .. 12..

గురుస్త్వం శివస్త్వం చ శక్తిస్త్వమేవ

        త్వమేవాసి మాతా పితాఽసి త్వమేవ .

త్వమేవాసి విద్యా త్వమేవాసి బుద్ధిర్-

        గతిర్మే మతిర్దేవి సర్వం త్వమేవ .. 13..

శ్రుతీనామగమ్యం సువేదాగమాద్యైర్-

        మహిమ్నో న జానాతి పారం తవేదం .

స్తుతిం కర్తుమిచ్ఛామి తే త్వం భవాని

        క్షమస్వేదమంబ ప్రముగ్ధః కిలాహం .. 14..

శరణ్యే వరేణ్యే సుకారుణ్యపూర్ణే

        హిరణ్యోదరాద్యైరగమ్యేఽతిపుణ్యే .

భవారణ్యభీతం చ మాం పాహి భద్రే

        నమస్తే నమస్తే నమస్తే భవాని .. 15..

ఇమామన్వహం శ్రీభవానీభుజంగ-

        స్తుతిర్యః పఠేచ్ఛ్రోతుమిచ్ఛేత తస్మై .

స్వకీయం పదం శాశ్వతం చైవ సారం

        శ్రియం చాష్టసిద్ధిం భవానీ దదాతి .. 16..

        

(భవానీ భవానీ భవానీ త్రివారం-

        ఉదారం ముదా సర్వదా యే జపంతి .

న శోకం న మోహం న పాపం న భీతిః

        కదాచిత్కథంచిత్కుతశ్చజ్జనానాం .. 17)

        

ఇతి శ్రీమచ్ఛంకరాచార్యవిరచితం

భవానీభుజంగప్రయాతస్తోత్రం సంపూర్ణం ..