అధికమాసం అంటే ఏమిటి?

పంచాంగ గణనం ప్రకారం సౌరమాన సంవత్సరానికీ, చాంద్రమాన సంవత్సరానికీO పదకొండుంబావు రోజుల తేడా ఉంది.

చాంద్రమాన సంవత్సరం, సౌరమాన సంవత్సరం కంటే, చిన్నది.

ఇదే విధంగా, చాంద్రమాన మాసం సౌరమాన మాసం కంటే చిన్నది.

ఈ కారణంగానే ఒక్కొక్కప్పుడు ఒక చాంద్రమాన మాసంలో, సౌరమాసం ప్రారంభమవుతూ, ఉంటుంది.

అలాంటి సందర్భాల్లో, సాధారణంగా వచ్చే సూర్యసంక్రమణం, ఉండదు. ఇలా వచ్చే చాంద్రమాసాన్ని, అధికమాసంగా వ్యవహరిస్తారు. సాధారణ పరిభాషలో చెప్పాలంటే, ఒక్కో రాశిలో, ఒక నెలపాటు తిరగాల్సిన సూర్యుడు, రెండు నెలలపాటు, ఒకే రాశిలో ఉండటం వల్ల ఏర్పడేదే, అధికమాసం.
ఇందులో మొదటి నెలలో, రవి సంక్రాంతి ఉండదు.
అధిక మాసం ఎప్పుడూ చైత్రమాసం నుంచి ఆశ్వయుజ మాసం మధ్యలోనే వస్తుంది.
అధిక మాసంలో నిత్యం చేసుకునే పనులు తప్ప, మిగతా ఏ శుభకార్యాలూ, చేయకూడదని, శాస్త్రం చెబుతోంది. ఈ మాసాన్ని, పురుషోత్తమ మాసం అని, కూడా అంటారు.
శివకేశవుల ఆరాధనా, జపతపాదులూ, దానాలూ, నదీస్నానాలూ, తీర్థయాత్రలూ ఎక్కువచేస్తే మంచిది.
మరణ సంబంధమైన క్రతువులు, అంటే మాసికం, ఆబ్దికం మొదలైనవి, అధిక, నిజమాసాలు రెండింటిలో చేయాల్సి ఉంటుంది. అధికమాసంలో వచ్చే మహాలయ పక్షాలు పితృకర్మలకు విశిష్టమైనవిగా చెబుతారు.